.::: شاهجهان سُميل :::.: نگاہِ یار میں اپنے لیے گھر ڈھونڈتے رہنا

غزل

شاھجھان سُمیل

نگاہِ یار میں اپنے لیے گھر ڈھونڈتے رہنا

کسی صحرہ میں جیسے ہو سمندر ڈھونڈتے رہنا

ہمیں ہے یاد تیرے شہر میں وہ پھول لانا اور

تمہارے شہر کے لوگوں کا پتھر ڈھونڈتے رہنا

حماقت یہ نہیں ہے تو، تم ہی کہہ دو کہ پھر کیا ہے

تیرا جولائی میں اب کے دسمبر ڈھونڈتے رہنا

ہیں سب بیکار کی باتیں، عامل چھوڑ دو تم بھی

یوں ہاتھوں کی لکیروں میں مقدر ڈھونڈتے رہنا

میں اپنے قوم کے بھی حوصلوں کی داد دیتا ہوں

ہمیشہ رہزنوں میں سے ہی رہبر ڈھونڈتے رہنا

بچھڑ کے تجھ سے آنکھوں کی یہ عادت ہوگئی جانا

ہو سارے وصل کے لمحے، وہ منظر ڈھونڈتے رہنا

.::: شاهجهان سُميل :::.