.::: شاهجهان سُميل :::.: ذات جي ڪا بقا ڳولجي ها پرين

غزل

شاھجھان سُمیل

ذات جي ڪا بقا ڳولجي ها پرين

عشق جي انتها ڳولجي ها پرين

تون رستن کي رهبر ڪرين ها نه جي

منزلن جو نشان ڳولجي ها پرين

توکي قسمت تي ڏاڍو يقين هو سڄڻ

نه ته وصل لئه دُعا ڳولجي ها پرين

پاڻ گڏجي جهان آزمايون ته ها

لوڪ ۾ ڀي وفا ڳولجي ها پرين

پهرين سوچون ها ڪنهن کان خطا ٿي هئي

بعد ۾ پوءِ سزا ڳولجي ها پرين

ايڏو اڳتي اچي ڇو ٿو سوچين سُميل

راهه موٽڻ جي ڪا ڳولجي ها پرين

.::: شاهجهان سُميل :::.