.::: شاهجهان سُميل :::.: بُجھائے جو بھی آندھی نے دیے پھر وہ جلاتے ہیں

غزل

بُجھائے جو بھی آندھی نے دیے پھر وہ جلاتے ہیں

بہت تاریک راتیں ہیں چلو روشن بناتے ہیں

کبھی جو پاس جائیں ہم تو کیوں خاموش رہتے ہیں

اگر پھر دور ہوجائیں تو کیوں ہم کو بُلاتے ہیں

بھلا وعدہ خلافی کا دیں ہم الزام اُن پر کیوں؟

نہیں ہرجائی وہ لیکن نبھانا بھول جاتے ہیں

بڑے مشہور اُن کے حسن کے چرچے ہیں لوگوں میں

جہاں جائیں وہاں قصے سبھی اُن کے سُناتے ہیں

سُنا ہے چاند کی بھی دھڑکنیں تب تیز ہوتی ہیں

اٹھا کر اپنی وہ نظریں کہ جب بھی مسکراتے ہیں

پہن کر جب وہ گھنگھرو رات کو آنگن میں آتی ہے

تو لمحے رقص کرتے ہیں ستارے گنگناتے ہیں

.::: شاهجهان سُميل :::.